Azərbaycanda hər 100 nəfərə düşən mobil telefonların sayı 85,6% təşkil edir. Bu, dünya üzrə orta göstəricidən təxminən 25% yüksəkdir.

Bu ilin 9 ayı ərzində Avropa-Qafqaz-Asiya nəqliyyat dəhlizinin Azərbaycan ərazisindən keçən hissəsində 32,1 milyon ton yük, 152,2 milyon sərnişin daşınıb. “İqtisadi forum” jurnalının Dövlət Statistika Komitəsinə istinadən verdiyi məlumata görə, yüklərin 44,6%-i dəmir yolu, 37,1%-i avtomobil, 18,3%-i dəniz nəqliyyatı ilə daşınıb.

Neftə əsaslanan inkişaf

Neft Fondundan dövlət büdcəsinə transfertlərin məbləği ildən-ilə artdıqca büdcə gəlirlərinin formalaşmasında Fondun payı da yüksələn xətlə artır. Dövlət büdcəsinin gəlirlərində Fondun transfertlərinin xüsusi çəkisi 2004-cü ildə 8.8 faiz, 2005-ci ildə 7.3 faiz, 2006-cı ildə 15.1 faiz, 2007-ci ildə 9.7 faiz olduğu halda, 2008-ci ildə artıq 35.3 faiz həddində olmuşdur. 2009-cu ildə isə büdcə gəlirlərinin həcminin 50 faizindən çoxunun məhz Fondun transferti hesabına formalaşması gözlənilir.