Ana səhifə | Biz kimik? | Layihələr | Nəşrlər | Linklər | Əlaqə
AZ | EN | RU
ELANLAR

TƏDQİQATÇILARIN NƏZƏRİNƏ!

 Iqtisadi Təşəbbüslərə Yardım İctimai Birliyi

“Azərbaycanın əsas ticarət tərəfdaşları ilə ticarət mübadiləsinin ərzaq təhlükəsizliyinə təsiri”

adlı tədqiqatın hazırlanması üçün ekspertlərlə əməkdaşlıq etmək niyyətindədir.

Tədqiqatın məqsədi Azərbaycanın ticarət əlaqələrinin və xüsusilə ərzaq məhsulları üzrə ticarət münasibətlərinin ölkənin ərzaq təhlükəsizliyinə təsiri və çətinlikləri öyrənməkdən ibarətdir.


davamı
VALYUTA
  1 USD
  1 EUR
  1 RUB
  1 GBP
  100 JPY
05.07.2017 23:03
SORĞU
Bələdiyyəyə əmlak vergisi ödəyirsinizmi?
Bəli, ödəyirəm
Xeyr, çünki yığan yoxdur
Xeyr, çünki bələdiyyəyə inamım azdır
Deyə bilmərəm
NƏŞRLƏR
TəDQIQATLAR













Azərbaycanda kredit faizlərinin yüksək olmasına təsir göstərən amillərin qiymətləndirilməsi



2010-cu il dövl?t büdc?si layih?si bar?d? Milli Büdc? Qrupunun R?Y?


Bələdiyyələrin gəlirləri 2 dəfə azalıb
9 ayda hər bələdiyyənin büdcəsi orta hesabla 5625 manat olub

Bu ilin 9 ayında bələdiyyə orqanlarının büdcə gəlirləri 15,5 milyon manat təşkil edib ki, bu da ötən ilin müvafiq dövrü ilə müqayisədə 2 dəfə azdır. "İqtisadi forum" jurnalının Dövlət Statistika Komitəsinin statistik bülleteninə istinadən verdiyi məlumata görə, bununla da orta hesabla bir bələdiyyənin büdcə gəlirləri 5625 manat olub.

2009-cu ilin yanvar-sentyabr aylarında bələdiyyə orqanlarının büdcə gəlirləri 48,3 milyon manatlıq proqnoza qarşı 15,5 milyon manat təşkil edib. Bu müddətdə büdcə gəlirlərinin icrası 32% olub.

Bu ilin 9 ayında ötən ilin müvafiq dövrü ilə müqayisədə büdcə gəlirləri 52,4% azalıb. 2008-ci ilin 9 ayında yerli özünüidarə orqanlarının büdcə gəlirləri 32,6 milyon manat təşkil edib ki, bu da indiki göstəricidən 17 milyon manat çoxdur.

Büdcə gəlirlərinin 43,6%-i vergi, 53,0%-i qeyri-vergi, 2,5%-i isə digər gəlirlər hesabına formalaşıb.

9 ayda büdcənin əsas “donoru” fiziki şəxslərdən torpaq vergisi olub. Gəlirlərin 28,7%-ni təşkil edən vergi 9 milyonluq proqnoza qarşı 4,5 milyon manat icra olunub. Bu verginin yığım səviyyəsi 49,4% olub.

Fiziki şəxslərdən əmlak vergisinin icra vəziyyəti 48,3% olub. Əmlak vergisi 2,6 milyona qarşı 1,3 milyon manat icra olunub. Onun gəlirdə payı 8,1%-dir.

Büdcə gəlirlərində xüsusi çəkisi 3,7% olan digər vergi növü – yerli əhəmiyyətli tikinti materialları üzrə mədən vergisi 0,8 milyona qarşı 0,6 milyon manat icra olunub.

Bələdiyyə orqanlarının son illər əsas gəlir mənbəyi olan torpaq satışından daxilolmalar 9 ayda 19% icra olunub. Bu müddətdə torpaq satışından 3,7 milyon manat gəlir əldə edilib. Halbuki büdcədə 19,2 milyon manat proqnozlaşdırılmışdı.

Fiziki şəxslərin maliyyə yardımları gözlənildiyindən çox olub. İlin əvvəlində 59 min manat proqnozlaşdırılsa da, 9 ayda bələdiyyə qurumlarına 2 milyon manat həcmində yardım edilib. Elə bu səbəbdən də büdcə gəlirlərinin 13,4%-i onun payına düşüb.

Tarix: 20 Noyabr 2009  |  Baxış sayı: 1021




© Müəllif hüquqları qorunur.
Məlumatdan istifadə etdikdə "İqtisadi Forum"a istinad mütləqdir.
EKSPERT RƏYİ
Samir ƏLİYEV
"İqtisadi forum" jurnalının baş redaktoru

Mərkəzi Bankın depozit hərracları niyə cəlbedicidir?

Bu gün ilin 24-cü depozit hərracı keçirildi. Hərracda tələb təklifdən 2,5 dəfə çox olub. Mərkəzi Bank 200 milyon manat həcmində depozit cəlb etməyi elan etsə də, bankların təklifi 504,7 milyon manat olub. Elə buna görə də illik faiz dərəcəsi 12,98%-dən 12,7%-ə düşüb. Bugünkü hərrac nəticəsində banklar 14 günə təxminən 975 min manat qazanacaq. Ümumilikdə isə Mərkəzi Bank tərəfindən 2017-ci ilin yola saldığımız dövründə 4 milyard manata yaxın vəsait depozit şəklində cəlb edilib və buna görə banklara 21,9 milyon manat faiz ödənilib.


Rövşən AĞAYEV
İTYİB-nin sədr müavini
Pensiya yaşı artsın, artmasın?

Hazırda Azərbaycanda pensiyaya çıxma yaşı kişilər üçün 63, qadınlar üçün 60-dır. Dünya ölkələri ilə müqayisə etsək, bu çox aşağı göstəricidirmi? Qətiyyən yox.
Müqayisə üçün deyim ki, Avstriya, Belçika, Almaniya və Danimarkada həm qadınlar həm də kişilər üçün 65 yaş, Briytaniyada kişilər üçün 65, qadınlar üçün 60 yaşdı. Keçid ölkələrindən Gürcüstanda kişilər üçün 65, qadınlar üçün 60, Belorusda kişilər üçün 60, qadınlar üçün 55, Qazaxıstanda kişilər üçün 63, qadınlar üçün 58, Latviyada həm qadınlar, həm də kişilər üçün 62 yaşdır.

Azər MEHTİYEV
İTY İB-in sədri
Rəqabət mədəniyyəti, mədəni rəqabət

Son illər Azərbaycan iqtisadiyyatındakı iqtisadi fəallığın və əldə edilmiş iqtisadi artımların neft sektoruna və buradan əldə edilən böyük neft gəlirlərinə əsaslandığı heç kəsə sirr deyil. 2012-ci ildə ölkənin ümumi daxili məhsulunun (ÜDM) təqribən yarısı, sənaye məhsulunun 88 faizi, dövlət büdcəsi gəlirlərinin təqribən 3/4-ü neft sektorunun hesabına formalaşıb.


ARXİV