Məruzəyə görə, son rübdə maliyyə bazarlarında yüksək volatillik müşahidə olunub və bazar risklərinin artımı avronun digər valyutalara nisbətən 7-8% bahalaşmasına gətirib çıxarıb.

Məruzədə qeyd edilir ki, avrozonanın tarixində ən pis böhran üçüncü rübdə əvvəlki rüblə müqayisədə ÜDM-nin 0,4% artması ilə aradan qalxıb. ÜDM-in artımı xarici iqtisadi mühitin yaxşılaşması və hökumət tərəfindən həyata keçirilən misilsiz fiskal və pul-kredit tədbirləri hesabına baş verib.

Bununla yanaşı avrozona ölkələrində ÜDM-nin gələcəkdə artım perspektivi tam aydın deyil və işsizlik səviyyəsi artdığından onun azalma ehtimalını istisna etmək olmaz. . 

Xatırladaq ki, noyabr ayında Avrokomissiya bildirib ki, Avropa Birliyinin iqtisadiyyatının cari ilin ikinci yarısında böhrandan çıxmasını gözləyir. Halbuki 2009-cu ilin yekunlarına əsasən Birlik ölkələrində ÜDM-in 4% azalması proqnozlaşdırılır.

Avrokomissiyanın proqnozuna görə, yaxın illərdə Avropa Birliyi ölkələrinin iqtisadiyyatı tədricən bərpa olunacaq. 2010-cu ilin sonuna ÜDM-nin 0,75%, 2011-ci ilin sonuna isə 1,5% artımı gözlənilir.