BVF: Yuanın 20% möhkəmlənməsi ABŞ-ın ÜDM-sini 1% artırır
Çinin milli valyutası olan yuanın möhkəmlənməsi Amerika iqtisadiyyatı üçün əlverişlidir, ancaq iqtisadi sferada ABŞ qarşısında duran əsas problemləri həll etməyəcək. “İqtisadi forum” jurnalının məlumatına görə, bu barədə BVF-nin baş iqtisadçısı Olive Blanşar “Sinxua” agentliyinə açıqlama verib.
Blanşa görə, BVF tərəfindən hazırlanmış iqtisadi model göstərir ki, yuanın 20% möhkəmlənməsi Amerika ÜDM-nin cəmisi 1% artıracaq. “Tamamilə aydındır ki, bununla Amerika iqtisadiyyatı dayanıqlı artıma nail ola bilməyəcək” – Blanşar qeyd edib.
Qeyd edək ki, ABŞ administrasiyasının nümayəndələri yuanın möhkəmlənməsinin məqsədəuyğunluğunu dəfələrlə bildiriblər. Onların fikrincə, 2008-ci ilin yayından yuanın sabit səviyyədə (1 dollar - 6,83 yuan) saxlanılan məzənnəsi azaldılıb və Çin-Amerika ticarətində disbalansın genişlənməsinə imkan verir. Çinin hökuməti və mərkəzi bankı yuanın məzənnəsinin sabitliyinin saxlanılacağını bildirilər.
Blanşın fikrincə, yuanın məzənnəsinin artmasına bütün xəstəliklərin dərmanı kimi baxılmamalıdır. Blanşar hesab edir ki, yuanın məzənnəsinin artırılması daxili tələbatın dəstəklənməsi və ortamüddətli perspektivdə iqtisadi artımın dayanıqlığını təmin etmək üçün Çin hökumətinin atacağı addımlardan biri olacaq.
1 USD
1 EUR
1 RUB
1 GBP
100 JPY
