Ana səhifə | Biz kimik? | Layihələr | Nəşrlər | Linklər | Əlaqə
AZ | EN | RU
ELANLAR

TƏDQİQATÇILARIN NƏZƏRİNƏ!

 Iqtisadi Təşəbbüslərə Yardım İctimai Birliyi

“Azərbaycanın əsas ticarət tərəfdaşları ilə ticarət mübadiləsinin ərzaq təhlükəsizliyinə təsiri”

adlı tədqiqatın hazırlanması üçün ekspertlərlə əməkdaşlıq etmək niyyətindədir.

Tədqiqatın məqsədi Azərbaycanın ticarət əlaqələrinin və xüsusilə ərzaq məhsulları üzrə ticarət münasibətlərinin ölkənin ərzaq təhlükəsizliyinə təsiri və çətinlikləri öyrənməkdən ibarətdir.


davamı
VALYUTA
  1 USD
  1 EUR
  1 RUB
  1 GBP
  100 JPY
05.07.2017 23:03
SORĞU
Bələdiyyəyə əmlak vergisi ödəyirsinizmi?
Bəli, ödəyirəm
Xeyr, çünki yığan yoxdur
Xeyr, çünki bələdiyyəyə inamım azdır
Deyə bilmərəm
NƏŞRLƏR
TəDQIQATLAR













Azərbaycanda kredit faizlərinin yüksək olmasına təsir göstərən amillərin qiymətləndirilməsi



2010-cu il dövl?t büdc?si layih?si bar?d? Milli Büdc? Qrupunun R?Y?


Avro kəskin ucuzlaşır
Samir Əliyev: “Ucuzlaşma davam edəcək”

Yunanıstan böhranının dərinləşməsi və digər ölkələrə yayılması təhlüksə avronu daim təyziq altında saxlayır. Dünya birjalarında dünən avronun dollara nisbətən kursu son bir ildə minimum həddə düşüb. Avro 1,29 dollara qədər ucuzlaşıb ki, bu da 2009-cu ilin aprelindən ən aşağı həddir. Ekspertlər bunun son hədd olmadığı qənaətindədirlər.

İqtisadi Təşəbbüslərə Yardım İctima Birliyinin eksperti Samir Əliyev “İqtisadi forum” jurnalına açıqlamasında bildirib ki, Yunanıstanın borc probleminin həllini tapmaması hələ də Avropa valyutasına mənfi təsir göstərir. Onun sözlərinə görə, Avropa Birliyi və BVF-nin bu ölkəyə 110 milyard avro məbləğində yardım ayırması qərarı da avronu xilas edə bilmir. “Burada əsas problem ondan ibarətdir ki, hazırda Yunanıstan böhranının digər ölkələrə yayılması təhlüksə var. Bu isə investorlarda narahatlıq yaradır. Xüsusilə də İspaniya ilə bağlı yayılmış xəbər avroya daha böyük zərbə vurub. Srağagün dünya mətbuatında İspaniyanın 280 milyard avro məbləğində yardım almaq üçün BVF-yə müraciət etməsi xəbəri yayıldı. Bu xəbər nəticəsində avro dollara nisbətən son 1 ildə ən aşağı həddə qədər ucuzlaşdırdı. İspaniya avroməkanda 4-cü ən böyük iqtisadiyyata malik ölkədir. Böhranın İspaniyaya yayılması son nəticədə avrozonanın dağılması ilə sonuclana bilər. Artıq İspaniyada böhranın əlamətləri müşahidə edilir. 2009-cu ildə büdcə kəsiri yüksək olan ölkələrdən biri olub. İşsizlik 20%-ə çatıb. Ona görə də hesab olunur ki, Yunanıstan avrozona üçün problem yaradıb, İspaniya isə onu dağıda bilər”

S.Əliyev avronun ucuzlaşmasının davam edəcəyini də proqnozlaşdırır: “Yunanıstanda artıq cəmiyyət tərəfindən hökumətin antiböhran tədbirlərinə müqavimət var. Tətillər ölkəni bürüyüb. Bu vəziyyət hökumətin beynəlxalq təşkilatlar tərəfindən götürdüyü öhdəliyi tam yerinə yetirməsini şübhə altına alır. Çünki hökumət büdcə kəsirini 30 milyard avro ixtisar etməklə 2014-cü ilə kimi ÜDM-in 3%-i həddinə endirmək niyyətindədir. Bunun üçün vergilərin qaldırılması, pensiya və maaşların ixtisarı nəzərdə tutulub. Yunanıstan həmkarları isə bununla razılaşmır. Üstəgəl İrlandiya, İspaniya, Portuqaliyada müşahidə edilən potensial böhran avronu uzun müddət təyziq altında saxlayacaq. Ola bilsin ki, müəyyən zaman kəsiklərində Avropa Birliyinin tədbirləri nəticəsində avronun kursunda artım baş versin. Amma bu şox çəkməyəcək. Ümumilikdə avro daha da dəyərsizləşəcək”

Dünya birjalarında avronun ucuzlaşması təsirini Azərbaycanda göstərib. aprel ayında Mərkəzi Bankın rəsmi kursuna görə hazırda avro 1,0412 manata bərabərdir. 2010-cu ilin 4 ayı ərzində manat avroya nisbətən 10% bahalaşıb. İlin əvvəlində 1 avronun məzənnəsi 1,1575 manatdan mayın 5-nə 1,0412 manata kimi ucuzlaşıb. Bu o deməkdir ki, yanvar-may ayları ərzində hər 100 avro dəyərini 11,6 manat itirib. Avron Azərbaycanda son 1 ildə ən aşağı həddə qədər ucuzlaşıb. Ekspertə görə, milli valyutanın məzənnəsi dollar əsasında müəyyən edildiyindən avronun dollara nisbətən ucuzlaşması manatın kursunda da özünü göstərir.

S.Əliyev hesab edir ki, avronun ucuzlaşması Azərbaycandakı qiymətlərə ciddi təsir göstərməyəcək. “Azərbaycanın xarici iqtisadi ticarətində avronun payı 15%-i ötmür. Bu baxımdan idxal malarının ucuzlaşmasından söhbət gedə bilməz. Müəyyən ucuzlaşma qeyri-ərzaq mallarında, xüsusən də Almaniya və Fransadan gətirilən avtomobillərin qiymətində müşahidə edilə bilər. Amma bu çox cüzi ola bilər”

Tarix: 05 May 2010  |  Baxış sayı: 774




© Müəllif hüquqları qorunur.
Məlumatdan istifadə etdikdə "İqtisadi Forum"a istinad mütləqdir.
EKSPERT RƏYİ
Samir ƏLİYEV
"İqtisadi forum" jurnalının baş redaktoru

Mərkəzi Bankın depozit hərracları niyə cəlbedicidir?

Bu gün ilin 24-cü depozit hərracı keçirildi. Hərracda tələb təklifdən 2,5 dəfə çox olub. Mərkəzi Bank 200 milyon manat həcmində depozit cəlb etməyi elan etsə də, bankların təklifi 504,7 milyon manat olub. Elə buna görə də illik faiz dərəcəsi 12,98%-dən 12,7%-ə düşüb. Bugünkü hərrac nəticəsində banklar 14 günə təxminən 975 min manat qazanacaq. Ümumilikdə isə Mərkəzi Bank tərəfindən 2017-ci ilin yola saldığımız dövründə 4 milyard manata yaxın vəsait depozit şəklində cəlb edilib və buna görə banklara 21,9 milyon manat faiz ödənilib.


Rövşən AĞAYEV
İTYİB-nin sədr müavini
Pensiya yaşı artsın, artmasın?

Hazırda Azərbaycanda pensiyaya çıxma yaşı kişilər üçün 63, qadınlar üçün 60-dır. Dünya ölkələri ilə müqayisə etsək, bu çox aşağı göstəricidirmi? Qətiyyən yox.
Müqayisə üçün deyim ki, Avstriya, Belçika, Almaniya və Danimarkada həm qadınlar həm də kişilər üçün 65 yaş, Briytaniyada kişilər üçün 65, qadınlar üçün 60 yaşdı. Keçid ölkələrindən Gürcüstanda kişilər üçün 65, qadınlar üçün 60, Belorusda kişilər üçün 60, qadınlar üçün 55, Qazaxıstanda kişilər üçün 63, qadınlar üçün 58, Latviyada həm qadınlar, həm də kişilər üçün 62 yaşdır.

Azər MEHTİYEV
İTY İB-in sədri
Rəqabət mədəniyyəti, mədəni rəqabət

Son illər Azərbaycan iqtisadiyyatındakı iqtisadi fəallığın və əldə edilmiş iqtisadi artımların neft sektoruna və buradan əldə edilən böyük neft gəlirlərinə əsaslandığı heç kəsə sirr deyil. 2012-ci ildə ölkənin ümumi daxili məhsulunun (ÜDM) təqribən yarısı, sənaye məhsulunun 88 faizi, dövlət büdcəsi gəlirlərinin təqribən 3/4-ü neft sektorunun hesabına formalaşıb.


ARXİV