Ana səhifə | Biz kimik? | Layihələr | Nəşrlər | Linklər | Əlaqə
AZ | EN | RU
ELANLAR

TƏDQİQATÇILARIN NƏZƏRİNƏ!

 Iqtisadi Təşəbbüslərə Yardım İctimai Birliyi

“Azərbaycanın əsas ticarət tərəfdaşları ilə ticarət mübadiləsinin ərzaq təhlükəsizliyinə təsiri”

adlı tədqiqatın hazırlanması üçün ekspertlərlə əməkdaşlıq etmək niyyətindədir.

Tədqiqatın məqsədi Azərbaycanın ticarət əlaqələrinin və xüsusilə ərzaq məhsulları üzrə ticarət münasibətlərinin ölkənin ərzaq təhlükəsizliyinə təsiri və çətinlikləri öyrənməkdən ibarətdir.


davamı
VALYUTA
  1 USD
  1 EUR
  1 RUB
  1 GBP
  100 JPY
05.07.2017 23:03
SORĞU
Bələdiyyəyə əmlak vergisi ödəyirsinizmi?
Bəli, ödəyirəm
Xeyr, çünki yığan yoxdur
Xeyr, çünki bələdiyyəyə inamım azdır
Deyə bilmərəm
NƏŞRLƏR
TəDQIQATLAR













Azərbaycanda kredit faizlərinin yüksək olmasına təsir göstərən amillərin qiymətləndirilməsi



2010-cu il dövl?t büdc?si layih?si bar?d? Milli Büdc? Qrupunun R?Y?


Siyasi partiyalarda bələdiyyə institutu ilə bağlı alternativ konsepsiyaya yoxdur

İTYİB partiyalarla bələdiyyələrin statusunu müzakirə etdi

"Siyasi partiyaların əksəriyyətini bələdiyyələrin indiki statusu qane etmir və yerli hakimiyyət kimi tanınmasını təklif edirlər. Eyni zaman partiyalar bələdiyyələrin səlahiyyətlərinin əhatə dairəsinin əhəmiyyətli dərəcədə genişləndirilməsini istəyirlər". "İqtisadi forum" jurnalının məlumatın görə, bu fikirlər İqtisadi Təşəbbüslərə Yardım Birliyinin sentyabrın 15-də  siyasi partiyalar üçün təşkil etdiyi dəyirmi masada səslənib.

"Yerli özünüidarənin status və səlahiyyətlərinə siyasi institutların baxışı ətrafında ictimai müzakirələr" mövzusunda keçirilən tədbirin təşkilində məqsəd ölkədə fəaliyyət göstərən siyasi partiyalarla Azərbaycanda bələdiyyə institutunun status və səlahiyyətlərini müzakirə etmək və onların baxışlarını öyrənmək idi.

Tədbir Oxfam GB və İCCO təşkilatlarının dəstəyi ilə həyata keçirdiyi «Azərbaycanda yerli özünüidarəetmənin gücləndirilməsi» layihəsi çərivəsində təşkil edilib. Tədbirdə partiya təmsilçiləri və KİV nümayəndələri iştirak edib.

İTYB-nin sədri Azər Mehtiyev dəyirmi masanın keçirilmə məqsədi barədə danışdı və partiyaları yerli özünüidarənin inkişafı ilə bağlı mövqelərini və konseptual yanaşmalarını bildirməyə dəvət etdi. O, qeyd etdi ki, təəssüf ki, partiya təmsilçilərinin çıxışlarında bələdiyyələrin inkişafı ilə bağlı konkret yanaşma müşahidə edilmir: "Azərbaycanda bələdiyyə institutu yaradılarkən onun bünövrəsi səhv qoyulub. Yerli özünüidarəetmənin təməlini təmin etmək iqtidarında deyil və çox ciddi problemlər yaşayır. Hakimiyyət yerli özünüidarəetmənin inkişafında maraqlı deyil, olmayacaq da. Bütün seçki məsələləri məişət səviyyəsinə endirilib. Bu səbəbdən bələdiyyələrlə bağlı məsələnin siyasi müstəviyə qayıtmasına nail olmaq lazımdır. Biz heç bir siyasi partiyada bələdiyyə institutu ilə bağlı alternativ konsepsiyaya rast gəlmədik. Heç bir partiya bələdiyyələrlə bağlı konsepsiya hazırlamaqda maraqlı deyil"

Birliyin eksperti Samir Əliyev ölkədə fəaliyyət göstərən bir sıra siyasi partiyalar arasında aparılan sorğu (əlavə olunur) barədə məlumat verdi. Bildirdi ki, soğunun aparılmasında məqsəd siyasi institutların Azərbaycanda yerli özünüidarənin statusu və səlahiyyətlərinə baxışlarını və bu qurumların bələdiyyə institutunun inkişafı ilə bağlı təkliflərini öyrənmək olub.

Sorğunun nəticəsi göstərir ki, respondentlərin 21,4%-nin fikrincə, bələdiyyə institutu həm yerli hakimiyyət kimi tanınmalı, həm də dövlət idarəetmə sisteminin tərkibinə daxil olmalıdır. Rəyi soruşulanların 43%-i isə bu fikirlə qismən razıdırlar. Çünki onlar bələdiyyə institutunun yerli hakimiyyət kimi tanınması ilə razılaşsalar da dövlət idarəetmə sisteminin tərkibinə daxil olmamasını dəstəkləyirlər. 26,6% istəyir ki, yerli özünüidarə orqanlarının indiki statusu saxlanılmalı və əlavə səlahiyyətlər verilməlidir.

Rəyi soruşulan partiya təmsilçilərinin 57%-i bələdiyyələrin səlahiyyət dairələrinə təhsil xidmətlərinin təşkilini, 55%-i səhiyyə xidmətlərinin təşkilini, 64%-i isə su təczihatı xidmətlərinin təşkilini daxil etmək istərdi. Bundan əlavə 57% respondent vətəndaş vəziyyəti aktlarının qeydiyyatını, 50% isə ictimai təhlükəzsizlik (yanğınsöndürmə, polis və s.) səlahiyyətlərinin bələdiyyələrə verilməsini dəstəkləyir. Partiyaların 36%-nin fikrincə, yol çəkilişi funksiyası da bələdiyyələrə verilməlidir.

S.Əliyevin fikrincə, sorğu nəticəsi göstərdi ki, siyasi partiyaların əksəriyyətini bələdiyyələrin indiki statusu qane etmir və yerli hakimiyyət kimi tanınmasını təklif edirlər. Eyni zaman partiyalar bələdiyyələrin səlahiyyətlərinin əhatə dairəsinin əhəmiyyətli dərəcədə genişləndirilməsini istəyirlər.

İTYB-in sədr müavini Rövşən Ağayev Azərbaycanda yerli özünüidarənin səlahiyyətsizliyi və statusunun qeyri-müəyyənliyi probleminə toxundu (təqdimat). O, bələdiyyələrin səlahiyyətlərinin həyata keçirilməsinin bir sıra problemlərini diqqətə çatdırdı. Natiq qeyd etdi ki, Avropa Şurasının yerli özünü idarəetmənin inkişafı ilə bağlı nəzərdə tutduğu subsidiarlıq prinsipi tamamilə pozulub. Bu bələdiyyələrin səlahiyyətlərinin məhdudluğunda özünü göstərir. Bələdiyyələrin səlahiyyətləri müstəsna deyil, çoxlu sayda paralellik mövcuddur. Dövlət idarəetməsində yerli idarəetmə sisteminin əhatə dairəsi aydın müəyyən olunmayıb, eyni zamanda yerli özünüidarənin statusu qeyri-müəyyəndir. Bakı, Gəncə kimi iri şəhərlərdə yerli özünüidarənin təşkili təmin olnumayıb. Halbuki Azərbaycan Avropa Şurasına üzv ölkələr  arasında mer institutu olmayan yeganə dövlətdir.

AXCP-nin sədr müavini Nurəddin Məmmədli bələdiyyə institunun inkişafının zəruriliyindən danışaraq hərbi, milli təhlükəsizlik, strateji obyektlər və s.. kimi bir sıra səlahiyyətlər istisna olmaqla bütün səlahiyyətlərin bələdiyyələrə verilməsinin zəruri olduğunu bildirdi.

ADP sədr müavini Təliyət Əliyev partiyaların bu vaxta qədər bələdiyyə seçkilərində və bələdiyyə idarəetməsində iştirak etməməsini səhv addım olduğunu bildirdi və indən belə bu sahəyə xüsusi diqqət verməyin vacib olduğunu vurğuladı.

Böyük Quruluş Partiyasının sədri Fazil Mustafa çıxışında bu gün ölkə siyasətinə nəinki müxaifət, hətta hakim partiyanın da təsir etmək gücünün olmadığını bildirdi. Onun fikrincə, dövlət idarəetməsində partiyaların rolu yoxdur. Bələdiyyə vətəndaş təşəbbüskarlığının ən sadə formasıdır, bunu isə hakimiyyət qəbul etmir. O bələdiyyə institunun inkişafı üçün konstitusiya islahatlarının aparılmasının vacibliyini qeyd etdi.
Tarix: 15 Sentyabr 2009  |  Baxış sayı: 1212




© Müəllif hüquqları qorunur.
Məlumatdan istifadə etdikdə "İqtisadi Forum"a istinad mütləqdir.
EKSPERT RƏYİ
Samir ƏLİYEV
"İqtisadi forum" jurnalının baş redaktoru

Mərkəzi Bankın depozit hərracları niyə cəlbedicidir?

Bu gün ilin 24-cü depozit hərracı keçirildi. Hərracda tələb təklifdən 2,5 dəfə çox olub. Mərkəzi Bank 200 milyon manat həcmində depozit cəlb etməyi elan etsə də, bankların təklifi 504,7 milyon manat olub. Elə buna görə də illik faiz dərəcəsi 12,98%-dən 12,7%-ə düşüb. Bugünkü hərrac nəticəsində banklar 14 günə təxminən 975 min manat qazanacaq. Ümumilikdə isə Mərkəzi Bank tərəfindən 2017-ci ilin yola saldığımız dövründə 4 milyard manata yaxın vəsait depozit şəklində cəlb edilib və buna görə banklara 21,9 milyon manat faiz ödənilib.


Rövşən AĞAYEV
İTYİB-nin sədr müavini
Pensiya yaşı artsın, artmasın?

Hazırda Azərbaycanda pensiyaya çıxma yaşı kişilər üçün 63, qadınlar üçün 60-dır. Dünya ölkələri ilə müqayisə etsək, bu çox aşağı göstəricidirmi? Qətiyyən yox.
Müqayisə üçün deyim ki, Avstriya, Belçika, Almaniya və Danimarkada həm qadınlar həm də kişilər üçün 65 yaş, Briytaniyada kişilər üçün 65, qadınlar üçün 60 yaşdı. Keçid ölkələrindən Gürcüstanda kişilər üçün 65, qadınlar üçün 60, Belorusda kişilər üçün 60, qadınlar üçün 55, Qazaxıstanda kişilər üçün 63, qadınlar üçün 58, Latviyada həm qadınlar, həm də kişilər üçün 62 yaşdır.

Azər MEHTİYEV
İTY İB-in sədri
Rəqabət mədəniyyəti, mədəni rəqabət

Son illər Azərbaycan iqtisadiyyatındakı iqtisadi fəallığın və əldə edilmiş iqtisadi artımların neft sektoruna və buradan əldə edilən böyük neft gəlirlərinə əsaslandığı heç kəsə sirr deyil. 2012-ci ildə ölkənin ümumi daxili məhsulunun (ÜDM) təqribən yarısı, sənaye məhsulunun 88 faizi, dövlət büdcəsi gəlirlərinin təqribən 3/4-ü neft sektorunun hesabına formalaşıb.


ARXİV