Dünyanın maliyyə bazarlarında dollar və avro arasında baş verən nüfuz davası Azərbaycanda da müşahidə edilir. Avronun digər valyutalara, xüsusən də dollara nisbətən ucuzlaşması manata münasibətdə də özünü göstərir. Məsələn, 2010-cu ildə avro milli valyutaya nisbətən 16% ucuzlaşıb. Bunun əsas səbəbi manatın məzənnəsinin müəyyən edilməsində dollar amilinin həlledici olmasıdır.

Dünyada dolların bahalaşması səbəbindən artan təyziq fonunda Mərkəzi Bank dolların “cilovunu” buraxmaq məcburiyyətində qalıb. Bu gün uzun sürən fasilədən sonra ABŞ valyutasının məzənnəsində artım qeydə alınıb. “İqtisadi forum” jurnalının Banka istinadən verdiyi məlumata görə, Azərbaycanda dolları manata nisbətən rəsmi məzənnəsi 0,8037 manata qalxıb. Bu, son 8 ayda ən yüksək göstəricidir.

“İqtisadi forum” jurnalının Mərkəzi Banka istinadən verdiyi məlumata görə, Azərbaycanda avronun manata nisbətən rəsmi məzənnəsi 98,7 qəpiyə düşüb. Bu, 2002-ci ildən bəri ən aşağı həddidir. Dünya bazarlarında dolların bahalaşması müşahidə edilsə də, Azərbaycanda Mərkəzi Bank bazara müdaxilə hesabına bunun qarşısı alır.

Ölkədə iqtisadi aktivliyin artması və daşınmaz əmlak bazarına nikbin əhval-ruhiyyənin mövcudluğu ehtimalının aşağı olması səbəbindən yaxın bir neçə ayda evlərin qiymətləri düşməkdə davam edəcək. Üstəgəl yay aylarında bir qayda olaraq daşınmaz əmlak bazarında aktivliyin aşağı düşməsi də qiymətləri ucuzlaşdıran amillərdəndir. Bu barədə qiymətləndirici-ekspert Rəşad Əliyev “İqtisadi forum” jurnalına açıqlamasında bildirib.

“İqtisadi forum” jurnalının Mərkəzi Banka istinadən verdiyi məlumata görə, Azərbaycanda avronun manata nisbətən rəsmi məzənnəsi 0,8 qəpik ucuzlaşaraq 1,0075 manata düşüb. Bu, 2002-ci ildən bəri ən aşağı həddidir. Dollar isə əksinə hələki sabitlik nümayiş etdirir.

Son aylar vaxtı keçmiş kreditlərin həcmində müşahidə edilən artım tendensiyası mart ayında səngiyib. “İqtisadi forum” jurnalının Mərkəzi Bankın statistik məlumatlarına istinadən verdiyi məlumata görə, mart ayında vaxtı keçmiş kreditlərin həcmi fevral ayı ilə müqayisədə 2,5 milyon manat azalaraq 355,9 milyon manata düşüb.

ABŞ-ın Əmanətlərin Sığortalanması üzrə Federal Korporasiya 4 bankın fəaliyyətinin bağlanması barədə qərar qəbul edib. Bununla da ölkədə 2009-cu ildə bağlanan bankların sayı 68-ə çatıb. “İqtisadi forum” jurnalının məlumatına görə, bu barədə Korporasiya açıqlama verib.

“Forbes” jurnalı 9 may - Analar günü münasibətilə dünyanın ən varlı analarının reytinqini tərtib edib. “İqtisadi forum” jurnalının məlumatına görə, siyahıya varidatı 1 milyard dollardan çox olan 70 nəfər daxil edilib.

Avropa Birliyinin mayın 9-da keçirilmiş növbədənkənar yığıncağında 720 milyard avro həcmində antiböhran fondunun yaradılması qərara alınıb. “İqtisadi forum” jurnalının məlumatına görə, bu barədə Avropa Birliyinə sədrlik edən İspaniyanın maliyyə və iqtisadiyyat naziri Elena Salqado açıqlama verib.

Neftə əsaslanan inkişaf

Neft Fondundan dövlət büdcəsinə transfertlərin məbləği ildən-ilə artdıqca büdcə gəlirlərinin formalaşmasında Fondun payı da yüksələn xətlə artır. Dövlət büdcəsinin gəlirlərində Fondun transfertlərinin xüsusi çəkisi 2004-cü ildə 8.8 faiz, 2005-ci ildə 7.3 faiz, 2006-cı ildə 15.1 faiz, 2007-ci ildə 9.7 faiz olduğu halda, 2008-ci ildə artıq 35.3 faiz həddində olmuşdur. 2009-cu ildə isə büdcə gəlirlərinin həcminin 50 faizindən çoxunun məhz Fondun transferti hesabına formalaşması gözlənilir.